Rydym yn llawn cyffro wrth blannu’r Coedwigoedd Bychain swyddogol cyntaf yng Nghymru!

Beth yw Coedwig Fechan?

Cwestiwn da!  Mae Coedwig Fechan yn goetir cynhenid, trwychus tua maint cwrt tennis – mae pob un yn cynnwys tua 1,000 o goed.  Y syniad yw atgynhyrchu coetir naturiol, gan ddefnyddio 25 coeden gynhenid wahanol.

Byddwn yn plannu pum Coedwig Fechan cyntaf Cymru yn Chwefror 2021.

Pam y mae Coedwigoedd Bychain yn bwysig?

Peidiwch â chael eich twyllo gan eu maint – gall Coedwig Fechan gael effaith fawr.

Gydag un mewn chwech o rywogaethau o dan fygythiad difodiant yng Nghymru, mae creu cynefinoedd newydd mewn ardaloedd trefol yn bwysicach nag erioed.

Rydym yn dilyn dull arbennig o blannu y mae wedi ei brofi ei fod yn tyfu deg gwaith yn gyflymach, 30 gwaith yn fwy trwchus a 100% yn fwy bioamrywiol na choetir safonol, sydd newydd gael ei blannu.  Rydym eisiau denu bywyd gwyllt, gwella ansawdd aer, dileu nwyon tŷ gwydr niweidiol o’r atmosffer a helpu i leihau llifogydd lleol.

Bydd ein Coedwigoedd Bychain o fudd i bobl hefyd.  Bydd ymwelwyr sydd yn defnyddio llwybrau ein coedwigoedd yn gallu cael awyr iach ac ailgysylltu â byd natur a bydd plant ysgol yn cael cyfle i ddysgu am fflora a ffawna lleol mewn ystafelloedd dosbarth awyr agored newydd.

Ble mae’r Coedwigoedd Bychain yng Nghymru?

Lleoliadau’r pum Coedwig Fechan cyntaf yng Nghymru yw:

• Nantymoel, Pen-y-bont ar Ogwr
• Y Cae Chwarae, St Asaph Avenue, Bae Cinmel, Conwy
• Coed Bach Pendalar / Ysgol Pendalar, Gwynedd
• Pencoedtre, Gibbonsdown, Bro Morgannwg
• Bae Caerdydd

Mae pob safle wedi cael ei ddewis yn ofalus i gael yr effaith orau posibl ar natur a chymunedau trefol.

Pwy sydd yn gysylltiedig?

Mae’n ymdrech tîm!

Ariennir ein Coedwigoedd Bychain gan Lywodraeth Cymru fel rhan o’r Goedwig Genedlaethol ar gyfer Cymru.

Mae ein coed i gyd wedi cael eu canfod trwy Coed Cadw ac rydym yn falch o fod yn gweithio mewn partneriaeth ag Earthwatch, y sefydliad sydd yn arwain mudiad Y Goedwig Fechan yn y DU. 

Hoffem ddiolch i’n holl bartneriaid am wneud hyn yn bosibl.

Beth nesaf?  

Unwaith bydd y pum Coedwig Fechan cyntaf wedi cael eu creu, rydym yn gobeithio ymestyn y cynllun i drefi a dinasoedd eraill.

Gallwch gael y wybodaeth ddiweddaraf trwy ein dilyn ni ar y cyfryngau cymdeithasol #TinyForestWales / #YGoedwigFechan

Os hoffech ganfod mwy am Goedwigoedd Bychain yng Nghymru, cysylltwch â’r tîm. Ebost [email protected]

 Tiny Forest