Swyddog Prosiect Cymunedol - Sir y Flint Expand Lleoliad Yn y cartref Oriau Gwaith 35 awr yr wythnos Cyflog £25,659 Cyfnod Dros gyfnod mamolaeth – hyd at 9 Mis Mae Cadwch Gymru’n Daclus yn elusen flaenllaw sydd yn gweithio ledled Cymru i amddiffyn ein hamgylchedd nawr ac i’r dyfodol. Rydym yn gweithredu i wneud gwahaniaeth cadarnhaol ac mae ein gwaith yn amrywio ar draws y wlad. Rydym yn darparu gweithredu ymarferol, addysg amgylcheddol, hyfforddiant, gwasanaethau busnes ac atebion amgylcheddol. Rydym yn gwneud hyn oll am un rheswm - Cymru hardd y gofelir amdani ac y gellir ei mwynhau gan bawb. Rydym yn chwilio am aelod tîm brwdfrydig a bydd yn ymgysylltu â chymunedau lleol a hwyluso, grymuso a chefnogi gwirfoddolwyr, a phartneriaid lleol eraill i wneud amrywiaeth o weithgareddau i wella Ansawdd yr Amgylchedd Lleol (LEQ). Y dyddiad cau ar gyfer ceisiadau yw canol dydd 24 Medi Cynhelir cyfweliadau ar 1 Hydref Hysbyseb swydd Disgrifiad swydd Ffurflen gais Ffurflen Fonitro Cyfle Cyfartal Llythyr esboniad
Cyfarwyddwr Masnachol Expand Lleoliad Caerdydd - gweithio yn y swyddfa Oriau 35 awr yr wythnos Cyflog £45,000 Cyfnod Swydd barhaol, yn amodol ar barhad y cyllid Mae Cadwch Gymru’n Daclus yn cyrraedd calon cymunedau ledled Cymru. Rydym yn elusen gofrestredig gyda thîm o 56 o bobl ymroddgar a brwdfrydig, sy’n rhedeg rhaglenni sydd wedi’u creu’n benodol i helpu pobl Cymru ac i wella ansawdd a chynaliadwyedd yr amgylchedd lle’r ydym yn byw ac yn gweithio. Rydym yn rhedeg nifer o raglenni cenedlaethol a rhyngwladol yng Nghymru, gan gynnwys Eco-ysgolion, Gwobrau Traethau Baner Las, Gwobrau Baner Werdd ar gyfer Parciau a’r ‘Goriad Gwyrdd ar gyfer y sector lletygarwch a thwristiaeth. Mae gennym yn awr gyfle i Gyfarwyddwr Masnachol a bod yn rhan o gyfleoedd newydd a chyffrous. Mae hon yn rôl newydd ac rydym yn chwilio am unigolyn sy’n meddu ar fentergarwch a’r gallu i ysbrydoli a fydd yn gyfrifol am sicrhau bod y strategaeth fasnachol a marchnata’n cael ei datblygu a’i chyflawni’n llwyddiannus. Bydd deiliad y swydd yn arwain y gwaith o ddatblygu gwasanaethau masnachol ac yn darparu cymorth marchnata ar gyfer ein holl raglenni a’n gwasanaethau. Byddwch yn sicrhau lefelau uchel o welededd allanol a chydberthnasoedd cryf gyda’r sectorau preifat a chyhoeddus a’r trydydd sector. Byddwch yn gweithio mewn amgylchedd cefnogol gydag aelodau eraill o’r Tîm Uwch Reolwyr, gan gyfrannu at gyfleoedd newydd, a gweledigaeth a chyfeiriad strategol Cadwch Gymru’n Daclus. Y dyddiad cau ar gyfer pob cais yw hanner dydd 25 Medi 2019 Cynhelir cyfweliadau ar: 7 Hydref 2019 Hysbyseb Swydd Disgrifiad Swydd Ffurflen Gais Ffurflen Fonitro Cyfle Cyfartal Llythyr Esboniad